"လိမ္မာရစ်ကြပါ"

Forward Mail တစ်ခုကရတဲ့ ကဗျာလေးပါ။
ခံစားကြည့်လိုက်ပါဦး။

"လိမ္မာရစ်ကြပါ"

၂ဝဝ၈ ခုနှစ်ရဲ့

အညစ်ပတ်ဆုံးနေ့

အလိမ်ညာဆုံးနေ့

အကောက်ကျစ်ဆုံးနေ့

အယုတ်မာဆုံးနေ့့့  အကျည်းတန်ဆုံးနေ့့့ 

အဲဒီနေ့က မေ (၁ဝ) ရက်နေ့ နှင့်

မေ(၂၄)ရက်နေ့ပဲ ဖြစ်တယ်။


အဲဒီအချိန်က

နာဂစ်မုန်တိုင်းဒဏ်ကြောင့်

ကယ်ဆယ်ရေးတွေ နဲ့

ပြန်လည်ထူထောင်ရေးတွေ ရှုပ်ထွေးနေချိန့့့့့့် 

နာဂစ်မုန်တိုင်းဒဏ် ခံရသူတွေ

အသက်အိုးအိမ်စတေး

ငိုကြွေးဆွေးမြေ့ ခံစားနေရသလို့့့့့့ 

မြန်မာပြည်အနှံ့ ကြားရမြင်ရသူများကလည်း

နာကျင်ကြေကွဲ ဝမ်းနည်းနေကြရတယ်။


အဲဒီအချိန်မှာ အခွင့်ကောင်းယူ

ပြည်သူတွေရဲ့ အသဲကြားက မဲတပြားကို

ဆန်နဲ့လဲ အဝတ်အစားနဲ့လဲ ဆေး၊ အစာနဲ့လဲ

ပြည်သူတွေရဲ့ မျက်ရည်ကို

ခြေနဲ့ဆေးပြီး မတော်မတရားနဲ့

နာဂစ်ကို ခုတုံးလုပ်

အမြတ်ထုတ်ခဲ့ကြတယ်။


ပြည်သူတွေရဲ့ အသဲနှလုံးကို

ဘယ်လိုလိမ်ညာရမလဲ၊

ပြည်သူတွေရဲ့ မျက်လုံးကို

ဘယ်လိုဖောက်ပစ်ရမလဲ၊

ပြည်သူတွေရဲ့ ပါးစပ်ကို

ဘယ်လိုပိတ်ပစ်ရမလဲ၊

ပြည်သူတွေရဲ့ ဦးနှောက်ကို

ဘယ်လိုဖောက်စားရမလဲ၊

ပြည်သူတွေရဲ့ စိတ်ဓါတ်ကို

ဘယ်လိုလှည့်စားရမလဲ့့့ 

အကြံသမားရဲ့ ကောက်ကျစ်တဲ့ ဥာဏ်နီဥာဏ်နက်

မြေခွေးပင် ရှူံးလောက်ပါရဲ့

ညစ်ပတ်လိမ်ညာ ယုတ်မာကောက်ကျစ်

မိမိအာဏာတည်မြဲရေး တပည့်မွေးပြီး

ပြည်သူ့နှလုံးသွေးကို ညစ်ထေးအောင် အရောင်ဆိုး

ပုဆိန်ရိုး လက်ကိုင်တုတ် စွမ်းအားရှင် ဖွံ့ကြံ့တွေနဲ့

ပြည်သူတွေကို့့့  ဖြားယောင်းလို ဖြားယောင်း

ခြိမ်းခြောက်လို ခြိမ်းခြောက်

အခွင့်အရေးတွေနဲ့ အယောင်ပြလှည့်စား

စကားအရောင်းအဝယ် လုပ်လိုလုပ်

ကိုယ်ထုတ်တဲ့ ဥပဒေ ကိုယ်တိုင်ရိုက်ချိုး ဖျက်ဆီး

မသမာနည်းနဲ့ မဲခိုးကြတော့

၉၂.၄၈ ရာခိုင်နှုန်း ရသတဲ့

ဟာ .... ဟ ရယ်လည်း ရယ်ရ

အံ့ လည်း အံ့သြရ

ဆင်ကြီး ဂဠုန်ချီ

ခွေးကို ကြောင်ကိုက်

ကြောင်ကို ကြွက်ခုတ်

ကျားကို သမင်ဖမ်း ပရမ်းပတာတွေနဲ့

မယုံချင်စရာ ပုံပြင်သာမှတ်လိုက်ပါတော့

ပြည်သူအများမှာ

အကြောက်တရားနဲ့ ပြားပြားမှောက်နေခဲ့ရတာ

အနှစ် ၂ဝ ပင်တိုင်ခဲ့ပြီ

မင်းတို့ကို မယုံတော့ဘူးဟေ့ .... ။


၁၉၉ဝ ခုနှစ် ရွေးကောက်ပွဲ

ဘယ်သူကျင်းပပေးခဲ့သလဲ ... ရဲရဲဖြေပါ ...

၁/၉ဝ ဘယ်သူရေးဆွဲထုတ်ပြန်ခဲ့သလဲ ...

ရဲရဲဖြေပါ ...

ကိုယ့်ကတိ ကိုယ်မတည်

ကိုယ့်စကား ကိုယ်ဖျက်

ကိုယ့်သိက္ခာ ကိုယ်ချ

ပြည်သူ့ဆန္ဒကို ဆန့်ကျင်

တိုင်းပြည်ရဲ့မျက်နှာ အိုးမည်းသုတ် ...

"၂ဝဝ၈ ခုနှစ် ဆန္ဒခံယူပွဲကျတော့

ပြည်သူ့ ဆန္ဒကို လိုက်နာတဲ့"

၉ဝ ခုနှစ် ပြည်သူ့ဆန္ဒ ကျတော့

Mandate out ပြီတဲ့ ...

လာ လာသေးတဲ့ ဆောင်းပါးရှင် ငဖားတွေ ငကြောင်တွေ

အရှက်မရှိ ကလောင်သရမ်းပြီး

မျက်ကန်း တစ္ဆေမကြောက်

ကဘောက်တိ ကဘောက်ချာတွေရေး

နိုင်ငံကို အမဲစက်စွန်းအောင်

အမှန်တရားကို ဖုန်းကွယ်ပြီး

လံကြုတ်တွေ မရေးကြပါနဲ့ ရပ်တန်းက ရပ်ကြပါ ...

အလင်းကို အမှောင်ချ

အမှန်ကို အမှားလုပ်

ဇာတ်ထုပ် ဇာတ်ညွှန်းတွေ ကလီကမာရေးဆွဲ

ငရဲကို ဇောက်ထိုး ကျမယ်

သံဃာသတ်တဲ့ ပုဂ္ဂိုလ်တွေ

သံဃာ သွေး မြေကျအောင်လုပ်တဲ့ မိစ္ဆာဒိဌိတွေ

သင်တို့အတွက်

မဟာရောရုဝ

မဟာတာပန

အဝီစိ တို့က တံခါးဖွင့်ထားပြီ ...။

ကဲ အချိန်ရှိသေးတယ်

အမှားမှန်းသိ အမှန်ပြင်ကြပါ

အမှန်လမ်းကိုဖောက် ရောက်အောင်လှမ်းကြပါ

သင်တို့အတွက်

"တွေ့ဆုံဆွေးနွေးရေး စကားဝိုင်းထိုင်ခုံများက

အခွင့်ကောင်းတွေနဲ့ အဖြေမှန်ပေးပါလိမ့်မယ်"

ဆရာတော် ဦးဝိစာရ စကား နှလုံးသွင်းကြ

"လိမ္မာရစ်ကြပါ"